Nêrens Noord-Kaap (Reitz-skoolsaal, Maandag 11 Feb., 19:00)

Frans, Andries en Ronald het mekaar jare laas gesien. Nou moet die broers terugkeer na hul geboorteplaas, Nêrens, vir ’n verjaarsdagbraai vir hul pa wat 60 word. Hulle is gewone mense met al hulle liefde en haat en soeke na die broederskap wat hulleverloor het.

Amanda Strydom (Reitz-skoolsaal, Dinsdag 12 Feb., 19:00)

“Dit het my lewe verander en my lewe gebou.”

André the Hilarious Hypnotist (Reitz-skoolsaal, Woensdag 13 Feb., 19:00)

André, die skreeusnaakse hipnotiseur, is ’n kenner van die kuns van hipnose, teater en vermaak. Hy straal energie, kundigheid en selfvertroue uit en los daardeur die gehoor verstom met ’n geskater van die lag. André doen al vir tien jaar dít waarin hy goed is.

Dowwe Wicus & Dolla van der Merwe (Kuiertuin, Donderdag 14 Feb., 19:00)

“Is jy moeg vir jou man se lang gesig wat lyk soos ’n bok wat afdraand kyk? Lyk jou vrou al meer soos haar paspoortfoto? Dan is dit tyd om ’n kaartjie vir hulle te koop na hierdie showtjie. WEES GEWAARSKU: Jy moet lag dat die trane rol, anders spuit ons jou met Doom.”

Jay (Kuiertuin, Donderdag 14 Feb., 21:00)

Jay is ’n Afrikaanse sanger. In 2001 wen hy die ATKV Crescendo-kompetisie saam met Joe Niemand. Die album wat hieruit volg, is vir twee GMT-toekennings benoem, waarvan hulle die toekenning vir Beste Pop-album ontvang het. Hy was ook deel van die seun-sanggroep Eden waarna hy ’n solosangloopbaan begin het.

Lianie May (Kuiertuin, Donderdag 14 Feb., 22:00)

Lianie is in 2006 raakgesien deur die talentvolle musikale genieë Sean Else en Johan Vorster wat ’n kontrak met haar gesluit het. Van daar het Lianie se harde werk, determinasie en nederige persoonlikheid haar van krag tot krag laat gaan, en is sy vandag een van die land se top-vrouekunstenaars.

Kaalvoetkinners (Juanita du Plessis, Franja du Plessis en Ruan Josh) (VKB-Arena, Vrydag 15 Feb., 19:00)

Saam is ons een en sterker as enige storms in die lewe. Ons deel hierdie met baie liefde en trots met julle. Dis wie ons is, net gewone “kaalvoetkinders” met meer as net ’n melodie in ons harte.

Elvis Blue(VKB-Arena, Vrydag 15 Feb., 20:30)

Wat hom ’n seldsame sanger maak, is sy vermoë om beide Afrikaanse en Engelse gehore aan te raak. Elvis se vertonings is bekend vir ’n perfekte samestelling van welbekende treffers en nuwe musiek. Sy grapperige en soms diep storievertelling vat die gehoor op ’n persoonlike en vermaaklikheidsreis.

Dirk van der Westhuizen (Kuiertuin, Vrydag 15 Feb., 21:30)

Dirk van der Westhuizen het onlangs sy derde CD uitgereik. Sy nuutste album gee ’n splinternuwe klank aan die luisteraar, met agt snitte uit Dirk se eie pen, drie deur Vaughan Gardiner en een deur Werner Beukes. Sy liedjie uit sy eerste album “Gooi jou suiker op my” was op talle radiostasies vir weke lank op hul Top 20. Dirk is ’n lewenslustige, jong man en ken sy plek op die verhoog. Hy bemeester dit immers reeds sedert 2009. Sy nuutste treffer, “Sexy vi my”, het binne twee weke goue status bereik.

Dewald Wasserfall (VKB-Arena, Saterdag 16 Feb., 19:00)

Dewald Wasserfall se Facebook-blad lees: “Ghoema-, Tempo- en SAMA-wenner. Liedjieskrywer en sanger. Draer van jeans. Eter van biltong. Whisky op ys, asseblief.” Vir seker ’n vermaaklikheidspersoon wat jy nie wil mis nie.

Elizma Theron (VKB-Arena, Saterdag 16 Feb., 20:00)

Sy is op 6 Junie 1983 gebore in Bethlehem, Vrystaat. Haar loopbaan as professionele sangeres skop af in 2005 met haar debuutalbum, Lapaside, nadat sy ’n kontrak aangebied is deur Next Musiek. In 2007 sluit sy aan by die span van Select Musiek en daar volg nog ses albums.

Bok van Blerk (VKB-Arena, Saterdag 16 Feb., 21:00)

Met vier albums en ’n hele rits toekennings later is Bok een van die land se mees herkenbare stemme en gesigte in die vermaakwêreld, veral nadat hy oor die laaste drie jaar ook gereeld in Suid-Afrikaanse films te siene was. Bok se musiek spreek van ’n liefde vir sy land en sy mense met ’n sweempie humor wat hier en daar bygevoeg word.

Jo Black (VKB-Arena, Sondag 17 Feb., 11:00)

Jo Black is nie net ’n mooi stem nie, hy het iets van ’n verskynsel geword met sy positiewe denke. Hy raak harte. Jo wil mense bemagtig om die beste weergawe van hulself te wees en het met die “be that guy”-inisiatief vorendag gekom wat poog om leierskap onder die jeug te bevorder.
  • silver_signature_300_x_120.jpg
  • vkb_brokers_300_x_120.jpg
  • dekalb_300_x_120.jpg
  • hs_reitz_300_x_120.jpg
  • stdbank_300_x_120.jpg
  • magnifisan_300_x_120.jpg
  • rivirwalk_300_x_120.jpg
  • besemme_300_x_120.jpg
  • nupro_300_x_120.jpg
  • sab_300_x_120.jpg
  • drakensville_300_x_120.jpg
  • oranje_300_x_120.jpg
  • capegate_300_x_120.jpg
  • pioneer_300_x_120.jpg
  • supersure_300_x_120.jpg
  • vkb_fuels_300_x_120.jpg
  • frontier_300_x_120.jpg
  • hpf_wyn_300_x_120.jpg
  • landbouweekblad_300_x_120.jpg
  • granfield_chickens_300_x_120.jpg